- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Драгічын. Аб важным – на сельскім сходзе грамадзян
Старшы інжынер Драгічынскага раённага аддзела па надзвычайных сітуацыях Дзмітрый Бабро правёў сельскі сход грамадзян у вёсцы Жабер.
Работнік МНС давёў вяскоўцам інфармацыю аб сітуацыі з пажарамі на тэрыторыі раёна, распавёў аб асноўных прычынах вогненных НС. Ён нагадаў аб правілах навядзення парадку на прыдамавых тэрыторыях і на прысядзібных участках, а таксама аб наступствах, да якіх можа прывесці невыкананне гэтых правілаў. Асаблівая ўвага была ўдзелена недапушчальнасці выпальвання сухой расліннасці на корані.
З пачатку года ў Драгічынскім раёне адбылося 11 пажараў, загінулі 3 чалавекі.
МНС нагадвае! Пры спальванні смецця на сваім участку, выконвайце простыя правілы бяспекі:
1) разводзьце вогнішчы ў зацішнае надвор'е на вычышчанай ад гаручых рэчываў і сухой расліннасці пляцоўцы, размешчанай на бяспечнай адлегласці ад будынкаў;
2) трымайце пры сабе першасныя сродкі пажаратушэння: вядро з вадой альбо вогнетушыцель, рыдлёўку;
3) не пакідайце вогнішча без нагляду або пад наглядам дзяцей;
4) пасля заканчэння працэсу гарэння старанна патушыце рэшткі падпаленых матэрыялаў.
Ні ў якім разе не выпальвайце сухую расліннасць на корані! У выпадку пажару тэлефануйце па тэлефонных нумарах 101 або 112.