- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Камянец. Каб навагоднія святы прайшлі весела і бяспечна...
У рамках акцыі «Бяспечны Новы год!» ратавальнікі Камянеччыны прынялі ўдзел ва ўрачыстым адкрыцці навагодняй ёлкі.
Для таго, каб навагоднія святы прайшлі весела і бяспечна, прапагандыст Камянецкага раённага аддзела па надзвычайных сітуацыях Руслан Зазулька нагадаў гараджанам і гасцям аб «каварнасці» тонкага лёду на зімовым вадаёме, расказаў аб выкананні правілаў бяспекі пры катанні з горкі. Пагаварылі аб небяспецы піратэхнічных вырабаў. Дзецям расказалі, што траекторыя палёту петарды або феерверка можа быць непрадказальная, запуск піратэхнікі нясе ў сабе не толькі эмоцыі ад захапляльнага вогненнага шоу, але і рызыку для жыцця і здароўя навакольных, бо любы піратэхнічны выраб мае патэнцыяльную небяспеку ўзгарання або атрымання траўмы.
Вялікую цікавасць у рабят выклікалі гульні і конкурсы ад ратавальнікаў, падчас якіх вывучылі алгарытм дзеянняў у выпадку ўзнікнення розных надзвычайных сітуацый. Самыя актыўныя ўдзельнікі атрымалі памятныя сувеніры і кніжкі з карыснымі парадамі па бяспецы.
З пачатку года ў Камянецкім раёне здарылася 20 пажараў.
Паважаныя грамадзяне, нагадваем, што ў выпадку пажару нельга панікаваць і хавацца. Неабходна выклікаць ратавальнікаў па тэлефонных нумарах 101 ці 112.