МЧС Беларуси
МЧС Беларуси
Учреждение Брестское областное управление МЧС Республики Беларусь
- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Івацэвічы. Пра бяспеку маленькім і дарослым
У рамках першага этапу рэспубліканскай акцыі «У цэнтры ўвагі – дзеці!» работнікі Івацэвіцкага раённага аддзела па надзвычайных сітуацыях правялі прафілактычнае мерапрыемства ў краме тавараў для дзяцей «Свет дзяцінства» па вуліцы Камуністычнай у Івацэвічах.
Прапагандыст Арцём Гаварко нагадаў хлопчыкам і дзяўчынкам правілы бяспекі жыццядзейнасці, а таксама распавёў аб дзеяннях, якія неабходныя для выратавання ў выпадку надзвычайнай сітуацыі.
Увагу надаў і дарослым, паколькі менавіта ад іх пільнасці залежыць бяспека дзяцей. Арцём Міхайлавіч распавёў пра інфармацыйную кампанію «У стыхіі няма сэрца». Падчас правядзення акцыі дарослыя і дзеці праверылі свае веды па пытаннях бяспекі: разгадалі тэматычныя рэбусы, пазмагаліся ў «бяспечныя» крыжыкі-нулікі, успомнілі назвы знакаў пажарнай бяспекі, вызначылі на малюнку небяспекі ў кватэры, усталявалі аўтаномны пажарны апавяшчальнік і вызначылі паслядоўнасць «крокаў выратавання».
З пачатку года ў Івацэвіцкім раёне адбылося 27 пажараў, загінулі 3 чалавекі.
МНС нагадвае:
- не пакідайце дзяцей адных дома;
- не дазваляйце дзецям гуляць у небяспечных месцах;
- нагадвайце дзецям элементарныя правілы бяспекі;
- пераканайцеся, што дзіця ведае свой адрас і тэлефонныя нумары службы выратавання 101 і 112.
Будь готов
Другие новости
