- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
У Пінскім раёне работнікі МНС выратавалі мужчыну-рыбака
22 лютага ў 18-09 ратавальнікам паведамілі, што на вадасховішчы Пагост каля вёскі Ботава Пінскага раёна рыбак праваліўся пад лёд.
– Мы аператыўна прыбылі да месца выкліку. У метрах 100 ад берага ўбачылі ў палонцы мужчыну. Выкарыстоўваючы выратавальную дошку, я дабраўся да яго. Рыбак быў без прытомнасці, практычна цалкам пагружаны ў ваду. Я і калега Дзмітрый Грушэўскі пераправілі яго на бераг, дзе аказалі першую медыцынскую дапамогу. Пацярпелы прыйшоў у сябе, – падзяліўся ратавальнік Раман Рабкавец.
Хутка прыбылі медыкі. Выратаванага пенсіянера 1958 г.н. шпіталізавалі ў бальніцу.
Паважаныя рыбакі, будзьце ўважлівыя і асцярожныя на вадаёмах. Не выходзьце на тонкі лёд, абавязкова апранайце выратавальную камізэльку.