- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
У Бярозе пенсіянер выратаваў суседа на пажары
21.01.2019 года ў 20-56 у Бярозаўскі РАНС паступіла паведамленне аб пажары ў гаспадарчым будынку на вул. Свярдлова.
Ратавальнікі прыбылі да месца здарэння праз тры хвіліны: дах двухпавярховага будынка быў ахоплены агнём.
Да прыбыцця падраздзяленняў МНС пенсіянер 1955 года нараджэння, які пражывае па суседстве, выратаваў уладальніка будынка. Гаспадар - мужчына 1953 года нараджэння, інвалід 1-й групы (у яго ампутаваная нага) - часова пражываў у летняй кухні. Сусед заўважыў агонь на даху, зайшоў у будынак праз дзверы, убачыў гаспадара, які сядзеў у дыме на ложку, і вывеў яго на вуліцу.
Брыгадай хуткай медыцынскай дапамогі выратаваны з тэрмічнымі апёкамі шпіталізаваны ў УАЗ «Бярозаўская ЦРБ».
Пажар лакалізавалі і ліквідавалі выратавальнікі.
Агнём знішчаны дах, перакрыцце, пашкоджана ўнутранае аздабленне будынка.
Прычына пажару ўстанаўліваецца.