- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Гутарка з юнымі спартсменамі
Спецыяліст сектара прапаганды і ўзаемадзеяння з грамадскасцю Баранавіцкага гаррайаддзела па надзвычайных сітуацыях Ірына Тукай і старшы інспектар інспекцыі нагляду і прафілактыкі ГРАНС Віталь Мяць правялі прафілактычную гутарку з дзецьмі, якія займаюцца ў ДУ «Спецыялізаваная дзіцяча-юнацкая школа алімпійскага рэзерву №4 па плаванні г.Баранавічы».
Гутарка была пабудавана ў форме дыялогу: Ірына Валер'еўна задавала дзецям тэматычныя пытанні, а яны адказвалі на іх. Пагаварылі пра тое, у якіх сітуацыях агонь з'яўляецца нашым сябрам, а ў якіх – ворагам, былі агавораны асноўныя правілы пажарнай бяспекі, дзеянні ў выпадку НС. Спецыяліст ГРАНС нагадала дзецям, што нумары службы выратавання - 101 або 112.
Віталь Віктаравіч у мэтах прафілактыкі спыніўся на сезонных небяспеках, нагадаў хлопчыкам і дзяўчынкам, як паводзіць сябе, каб не патрапіць у бяду.
Пасля гутаркі хлопцам была ўручана навучальная прадукцыя МНС.