- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Акцыя працягваецца
У рамках трэцяга этапу акцыі "Бяспека - у кожны дом!" работнікі Баранавіцкага гаррайаддзела па надзвычайных сітуацыях і прадстаўнік камбіната супрацьпажарных работ правялі прафілактычнае мерапрыемства з навучэнцамі УА "Баранавіцкі дзяржаўны каледж лёгкай прамысловасці імя В. Я. Чарнышова".
Спачатку перад аўдыторыяй выступіў старшы інспектар групы прапаганды і ўзаемадзеяння з грамадскасцю ГРАНС Міхаіл Мацяс, які распавёў пра мэты і задачы акцыі, давёў аператыўную абстаноўку на тэрыторыі рэгіёну.
У рамках сустрэчы Міхаіл Віктаравіч нагадаў дзецям асноўныя правілы пажарнай бяспекі ў побыце. Пагаварылі аб тым, як належным чынам выкарыстаць электрапрыборы, газавыя ўстаноўкі, гаворка ішла і аб бяспецы ў печы. Не абышлі бокам пытанне небяспекі курэння, асабліва ў стане алкагольнага ап'янення.
Прадстаўнік камбіната супрацьпажарных работ Мікалай Патоцкі давёў правілы карыстання першаснымі сродкамі пажаратушэння, распавёў аб пажарным і газавым апавяшчальніках, самавыратавальніку, прадэманстраваў знакі пажарнай бяспекі.
Пасля гутаркі з дзецьмі былі праведзены тэматычная віктарына, конкурсы. Жадаючыя змаглі прымерыць баявую вопратку выратавальніка. Таксама прысутным прадэманстравалі навучальныя фільмы, уручылі наглядна-выяўленчую прадукцыю МНС.
Завяршылася мерапрыемства агульнай эвакуацыяй.