МЧС Беларуси
МЧС Беларуси
Учреждение Брестское областное управление МЧС Республики Беларусь
- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Засцерагчы жыллё ад пажару
Івацэвіцкія выратавальнікі ўсё больш увагі надаюць супрацьпажарнаму стану жылля. Асабліва – вяскоўцаў. Нельга не пагадзіцца, што ў вяскоўцаў сапраўды болей падстаў пацярпець ад пажару. Тут і пячное ацяпленне - а печ, як вядома, крыніца не толькі цяпла, але і пажару. Тут часцей трапляюцца старыя электрапрыборы, якія адслужылі свой век. Да таго ж насельніцтва нашых вёсак імкліва старэе, у выніку бабулям і дзядулям становіцца болей складана сачыць за выкананнем супрацьпажарных патрабаванняў у хаце і на падворку.
Каб засцерагчы жыллё ад пажару, зацікаўленасць праяўляюць шэраг службаў. Так, мабільная група, у складзе якой быў не толькі першы намеснік начальніка райаддзела па НС Віталій Дыдышка, але і прадстаўнікі ДУ “Івацэвіцкі ТЦСАН”, РАУС, старшыня Мілейкаўскага сельвыканкама, наведала дамы вяскоўцаў.
Пры гэтым перавага надавалася сядзібам, дзе жывуць адзінокія састарэлыя грамадзяне, інваліды. Не заставаліся паза ўвагай прадстаўніка службы выратавання стан ацяпляльных печаў і выкананне правілаў бяспекі пры іх эксплуатацыі. У полі зроку былі і электрабытавыя прыборы, стан якіх даваў падставы ўсумніцца ў іх пажаранебяспечнасці.
Гаспадарам наведаных дамоў было строга ўказана на выкананне патрабаванняў правілаў пажарнай бяспекі каля печаў і карыстаючыся электрабытавымі прыборамі, у асаблівасці – награвальнымі. Усе яны былі папярэджаны аб неабходнасці пільнасці і абачлівасці пры абыходжанні з агнём і яго крыніцамі.
Будь готов
Другие новости
