МЧС Беларуси
МЧС Беларуси
Учреждение «Брестское областное управление МЧС Республики Беларусь»
- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Брэст. З клопатам пра бяспеку дзяцей
У рамках акцыі «Бяспечныя канікулы» прапагандыст Брэсцкага гарадскога аддзела па надзвычайных сітуацыях Яна Філіповіч і прадстаўнік Беларускага добраахвотнага пажарнага таварыства Вольга Сурадзейкіна правялі прафілактычны занятак для выхаванцаў дзіцячага сада №6.
– Кожны павінен быць асцярожным і абачлівым, бо столькі нечаканых небяспек падпільноўвае нас на кожным кроку. Вам, дарагія хлопчыкі і дзяўчынкі, неабходна ўмець звяртацца па дапамогу. У выпадку бяды ўмець дзейнічаць, пры выкліку службы выратавання ведаць і называць сваё імя і прозвішча, таксама свой хатні адрас. Кожны павінен ведаць правілы бяспекі, – агучыла Яна Генадзьеўна.
Падчас сустрэчы з дапамогай гульняў «Бяспечная эвакуацыя», «Пяць крокаў выратавання», «Дым. Вуліца. Пажар», «Службы выратавання», «Крыжыкі-нулікі» спецыялісты сумесна з дзецьмі разабралі асноўныя аспекты бяспечных паводзін дома, у садзе, на вуліцы, ля вады.
Разам з Вольгай Сурадзейкінай дзеці вывучылі прынцып дзеяння аўтаномнага пажарнага апавяшчальніка, пагаварылі пра вогнетушыцель.
Удзельнікам акцыі раздалі наглядна-выяўленчую прадукцыю з карыснымі парадамі ад ратавальнікаў.
МНС нагадвае:
- не пакідайце дзяцей без нагляду;
- у выпадку надзвычайнай сітуацыі тэлефануйце па нумарах 101 або 112;
- памятайце: вада і агонь памылак не даруюць: выконвайце правілы бяспекі ў любой сітуацыі!
Будь готов
Другие новости
