МЧС Беларуси
МЧС Беларуси
Учреждение «Брестское областное управление МЧС Республики Беларусь»
- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Столін. Дыялог аб бяспецы
У вёсцы Струга прайшоў сельскі сход грамадзян, на якім выступіў начальнік Столінскага раённага аддзела па надзвычайных сітуацыях Аляксандр Мінчык.
Выступаючы перад жыхарамі вёскі, Аляксандр Вікенцьевіч азнаёміў прысутных з аператыўнай абстаноўкай з пажарамі і гібеллю людзей ад іх на тэрыторыі раёна і вобласці, дэталёва разабраўшы асноўныя прычыны ўзнікнення вогненных трагедый. Было адзначана, што ў пераважнай большасці выпадкаў віной усяму становіцца чалавечы фактар – бестурботнасць, грэбаванне элементарнымі правіламі і надзея на авось.
Напярэдадні змены сезонаў ключавую ўвагу ў сваім выступленні кіраўнік раённага аддзела ўдзяліў падрыхтоўцы жылля да асенне-зімовага перыяду. Аляксандр Вікенцьевіч заклікаў вяскоўцаў ужо зараз прывесці ў парадак печы і коміны, праверыць наяўнасць перадтопачнага ліста памерам не менш як 50х70 см. Ён падрабязна расказаў аб важнасці ўстаноўкі аўтаномных пажарных апавяшчальнікаў у жылых пакоях, прывёў рэальныя прыклады з практыкі ратавальнікаў Століншчыны, калі гэты маленькі прыбор своечасова падаваў сігнал і ратаваў чалавечыя жыцці, а таксама акцэнтаваў увагу бацькоў на недапушчальнасці пакідання малалетніх дзяцей без нагляду і неабходнасці пастаяннага кантролю за іх вольным часам.
Падчас сустрэчы вяскоўцы змаглі задаць кіраўніку раённага аддзела па НС пытанні, якія іх цікавяць, і атрымаць кампетэнтныя тлумачэнні.
МНС нагадвае: выконвайце правілы бяспекі! У выпадку ўзнікнення надзвычайнай сітуацыі неадкладна тэлефануйце па нумарах 101 або 112.
Будь готов
Другие новости
