МЧС Беларуси
МЧС Беларуси
Учреждение «Брестское областное управление МЧС Республики Беларусь»
- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Баранавічы. Вада не даруе бестурботнасці: рэйд на вадасховішчы Гаць
З устанаўленнем гарачага надвор'я ратавальнікі Баранавіцкага гаррайаддзела па надзвычайных сітуацыях узмацнілі кантроль за бяспекай на вадаёмах. Чарговы прафілактычны рэйд прайшоў на вадасховішчы Гаць. Інспектары сектара прапаганды і ўзаемадзеяння з грамадскасцю Баранавіцкага горрайаддзела па НС, прадстаўнік Баранавіцкага камбіната супрацьпажарных работ, а таксама прадстаўнік АСВОД выйшлі да вады, каб наўпрост нагадаць адпачывальнікам аб тым, што нават у летні сезон прывычная абстаноўка можа ўтойваць небяспеку, а выкананне простых правілаў – залог захавання жыцця і здароўя.
У час размовы з грамадзянамі ратавальнікі рабілі акцэнт на ключавых правілах бяспекі. Найперш адпачывальнікам яшчэ раз нагадалі, што купацца дазволена толькі ў спецыяльна абсталяваных месцах. Асаблівую ўвагу прадстаўнікі МНС удзялілі недапушчальнасці купання ў стане алкагольнага ап'янення, а таксама настойліва рэкамендавалі бацькам не выпускаць дзяцей з поля зроку ля вады – нават калі дзіця ўпэўнена плавае, сітуацыя можа змяніцца за лічаныя секунды.
Акрамя таго, адпачывальнікам растлумачылі, якія дзеянні катэгарычна забароненыя: нельга скакаць у ваду з дамбаў, прыстаняў ці любых узвышэнняў, уладкоўваць на вадзе свавольствы, звязаныя з ныраннем і захапленнем іншых людзей, якія купаюцца, а таксама заплываць за абмежавальныя буі.
Напрыканцы гутарак ратавальнікі ўручылі адпачывальнікам памяткі і наглядна-выяўленчую прадукцыю ад МНС з асноўнымі правіламі бяспекі і нумарамі тэлефонаў экстранных службаў – 101 і 112.
Будь готов
Другие новости
