МЧС Беларуси
МЧС Беларуси
Учреждение «Брестское областное управление МЧС Республики Беларусь»
- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Брэст. Папярэдзіць, нагадаць, навучыць: працягваецца спецыяльнае прафілактычнае мерапрыемства «Дом без пажару»
67 пажараў з пачатку года і 5 загінулых ад іх людзей – такая статыстыка ў горадзе Брэсце. У большасці выпадкаў прычынай гэтых трагедый стала чалавечая бестурботнасць.
З мэтай папярэджання пажараў і гібелі людзей ад іх, у рамках спецыяльнага прафілактычнага мерапрыемства «Дом без пажару» брэсцкія ратавальнікі праводзяць прафілактычную працу ў жыллёвым фондзе грамадзян.
Прадстаўнікі Брэсцкага гарадскога аддзела па надзвычайных сітуацыях Яна Філіповіч і Беларускага добраахвотнага пажарнага таварыства Вольга Сурадзейкіна ў ходзе рэйдавых мерапрыемстваў па вуліцы Екельчыка асаблівую ўвагу надалі веданню і захаванню правілаў пажарнай бяспекі ў побыце, а таксама наяўнасці і спраўнасці аўтаномных пажарных апавяшчальнікаў.
Аўдыторыі даступна патлумачылі, што трэба зрабіць, каб прывесці домаўладанні ў пажарабяспечны стан, і як дзейнічаць, калі вогненная бяда адбылася, нагадалі пра адказнасць і наступствы за парушэнне правілаў пажарнай бяспекі, уручылі памяткі з карыснымі парадамі ад ратавальнікаў.
МНС нагадвае: у выпадку ўзнікнення надзвычайнай сітуацыі неадкладна тэлефануйце па нумары 101 або 112.
Будь готов
Другие новости
