Ратавальнікі Баранавіцкага гаррайаддзела па надзвычайных сітуацыях сумесна з прадстаўніком Баранавіцкага камбіната супрацьпажарных работ правялі навучальнае мерапрыемства для дзяцей у дзіцячым аздараўленчым лагеры «Лясная вясёлка». Сустрэча прайшла ў рамках рэспубліканскай акцыі «Бяспечныя канікулы».

Падчас заняткаў інспектары сектара прапаганды і ўзаемадзеяння з грамадскасцю наглядна расказалі дзецям аб асноўных правілах пажарнай бяспекі. Юныя слухачы даведаліся, якія дзеянні катэгарычна нельга рабіць дома і на прыродзе, чаму важна не гуляць з запалкамі і запальнічкамі, а таксама як паводзіць сябе, калі раптам адчулі пах дыму ці ўбачылі полымя. Асаблівую ўвагу спецыялісты надалі алгарытму выкліку экстраных службаў: дзеці патрэніраваліся выразна называць адрас і апісваць сітуацыю.

Прадставнік Баранавіцкага камбіната супрацьпажарных работ прадэманстраваў дзецям прынцып дзеяння вогнетушыцеля і даў магчымасць паспрабаваць прымяніць яго на практыцы. Такі падыход дазволіў удзельнікам сустрэчы не проста запомніць тэорыю, а адчуць, наколькі важныя хуткасць і зладжанасць дзеянняў пры тушэнні ўзгарання.

Самыя актыўныя хлопчыкі і дзяўчынкі атрымалі тэматычныя памяткі з правіламі бяспекі ад МНС і нумарамі тэлефонаў экстраных службаў.

З мэтай зніжэння колькасці надзвычайных сітуацый з удзелам дзяцей, работнікі МНС у чарговы раз нагадваюць бацькам асноўныя правілы пажарнай бяспекі:

не пакідайце запалкі ў даступным для дзяцей месцы;
не даручайце дзецям распальваць печы, газавыя пліты, самастойна ўключаць электрабытавыя прыборы;
сачыце, каб дзеці не распальвалі вогнішчы;
сыходзячы з дому, не пакідайце малалетніх дзяцей без нагляду;
будзьце прыкладам ва ўсіх сітуацыях, звязаных з выкананнем правіл пажарнай бяспекі;
арганізуйце дзіцяці цікавы вольны час.