МЧС Беларуси
МЧС Беларуси
Учреждение «Брестское областное управление МЧС Республики Беларусь»
- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Маларыта. Урокі бяспекі з маленства: ратавальнікі правялі пазнавальны занятак для дашкалят
Фарміраванне асноў правільных паводзін з самага ранняга ўзросту — гэта залог бяспекі дзяцей у будучыні. Расказаць, навучыць і перасцерагчы ад бяды з’яўляецца галоўнай мэтай сустрэч прадстаўнікоў МНС з падрастаючым пакаленнем. Адзін з такіх карысных і пазнавальных заняткаў прайшоў у дзіцячым садку №3 горада Маларыта.
Спецыяліст сектара прапаганды раённага аддзела МНС з першых хвілін захапіла малых у займальную гульню. Хлопчыкі і дзяўчынкі вучыліся вызначаць, у якіх выпадках агонь з’яўляецца для чалавека добрым сябрам, а ў якіх – небяспечным ворагам. Дзеці цвёрда замацавалі галоўнае правіла: запалкі і запальніцы – эта не цацкі, і ў дзіцячых руках яны могуць прывесці да бяды.
Прадстаўнік службы «101» падрабязна патлумачыла малым, чым пагражаюць свавольствы з агнём і як не дапусціць надзвычайнай сітуацыі. Навучанне працягнулася ў гульнявой форме, дзеці патрэніраваліся выклікаць спасацеляў і паведамляць пра пажар па нумары «112», пазнаёміліся з прафесіяй выратавальніка і даведаліся пра яе асаблівасці. Таксама яны вывучылі правілы карыстання першаснымі сродкамі пажаратушэння, запомнілі «пяць крокаў выратавання» і алгарытм выхаду з задымленага пакоя.
Выдатным дапаўненнем да гульні стаў прагляд пазнавальнага мультсерыяла «Спецатрад 112». З яго дапамогай дзеці паўтарылі правілы бяспечных паводзін на вадаёмах, у лесе і пры пажары.
У завяршэнні сустрэчы выхаванцы садка атрымалі ў падарунак яркія размалёўкі і далі абяцанне заўсёды няўхільна выконваць правілы бяспекі.
Будь готов
Другие новости
