Учреждение Брестское областное управление МЧС Республики Беларусь
- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Лунінец. Абмеркавалі важныя пытанні з самымі маленькімі
Старшы інспектар сектара прапаганды і ўзаемадзеяння з грамадскасцю Лунінецкага раённага аддзела па надзвычайных сітуацыях Марына Качура пабывала ў гасцях у дашкалят з ДУА “Яслі-сад №1 г. Лунінца”.
З мэтай навучання падрастаючага пакалення асновам бяспекі жыццядзейнасці Марына Вітальеўна правяла з малымі прафілактычнае мерапрыемства. Дашкаляты выканалі прапанаваныя работнікам МНС тэматычныя заданні, разгадалі загадкі, навучыліся ў правільнай паслядоўнасці выклікаць ратавальнікаў і дзейнічаць у надзвычайных сітуацыях. Асаблівае захапленне выклікала ў дзяцей напрананне баёўкі.
Для замацавання матэрыялу дзеці паглядзелі серыю мультфільмаў “Чароўная кніга". Дашкаляты засталіся з падарункамі ад МНС – яркімі і маляўнічымі размалёўкамі.
За мінулы перыяд 2022 года ў Лунінецкім раёне адбылося 47 пажараў, загінулі 3 чалавекі. На тэрыторыі Брэсцкай вобласці ахвярамі агню сталі 60 чалавек, з іх 2 дзяцей.
Паважаныя бацькі, вучыце дзяцей правілам пажарнай бяспекі, не пакідайце малалетніх без нагляду і падавайце ім асабісты прыклад.