- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Аб бяспецы з работнікамі лясгаса
Начальнік Ляхавіцкага раённага аддзела па надзвычайных сітуацыях Дзмітрый Чапко правёў выступ у працоўным калектыве Ляхавіцкага лясгаса.
Дзмітрый Пятровіч давёў інфармацыю аб пажарах, якія адбыліся на тэрыторыі рэспублікі, вобласці і ў раёне, распавёў аб правілах карыстання электрапрыборамі, газавымі ўстаноўкамі і пячным ацяпленнем. Асаблівую ўвагу прадстаўнік МНС надаў абмеркаванню праблемы наступстваў курэння ў стане алкагольнага ап'янення.
Дзмітрый Чапко заклікаў бацькоў не пакідаць малалетніх дзяцей без нагляду дарослых, распавёў пра адказнасць за пакіданне дзіцяці ў небяспецы. Нагадаў, што малыя не здольныя прадугледзець небяспечныя наступствы сваіх дзеянняў.
Дзмітрый Пятровіч завастрыў увагу аўдыторыі на падтрыманні аўтаномных пажарных апавяшчальнікаў у спраўным стане, нагадаў асноўныя прынцыпы іх працы.
Прыведзены выпадкі пажараў, якія здарыліся з прычыны спальвання смецця і сухой расліннасці.
У завяршэнне выступу прадэманстраваны відэафільмы «Палы травы» і раздадзена наглядная прадукцыя на супрацьпажарную тэматыку.