- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Вызначылі пераможцаў, узнагародзілі лепшых
У Маларыцкім раёне ўзнагароджаны прызёры і пераможцы раённага фестывалю «Бяспечнае дзяцінства». У ім прынялі ўдзел усе дашкольныя ўстановы раёна, а таксама пяць школ-садоў. На конкурс прадстаўляліся праекты па чатырох намінацыях – «Куток бяспекі», «Відэаролік» «Ганарымся, што навучылі», «Дыдактычная гульня», «Азбука бяспекі».
Выхавальнікі падышлі да справы з выдумкай, фантазіяй. Галоўнымі крытэрамі для ўдзельнікаў былі нетрадыцыйныя метады ў фарміраванні ў дзяцей АБЖ, інавацыйны падыход у навучанні, выкарыстанне дыдактычных гульняў, наглядных дапаможнікаў і іншых матэрыялаў, прафесійны падыход педагога, якаснае і эстэтычнае афармленне.
Начальнік Маларыцкага РАНС Мікалай Дубач падзякаваў кіраўнікам дашкольных устаноў за актыўны ўдзел, значны ўклад у выхаванне і навучанне асновам бяспекі падрастаючага пакалення, а таксама заклікаў не спыняцца на дасягнутым і працягваць на такім жа высокім узроўні выхаваўчую працу.
У раённым фестывалі "Бяспечнае дзяцінства" па найбольшай суме балаў лепшымі быў прызнаны ДУА "Яслі-сад №2 г. Маларыта", які і прадставіць Маларыцкі раён на абласным этапе.