- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Пытанні бяспекі ў ацяпляльны сезон
У вёсках Вашчынічы і Калядзічы Харэўскага сельвыканкама прайшлі сходы мясцовых жыхароў. Бяспека ў перыяд ацяпляльнага сезона - галоўная тэма сустрэч. Не засталося ўбаку і пытанне бяспечнай эксплуатацыі электрычных сетак і электраабсталявання, бо з-за парушэння правілаў карыстання імі у Пружанскім раёне сёлета адбыўся ўжо не адзін пажар.
Старшы інспектар раённага аддзела па надзвычайных сітуацыях Вольга Ліпко давяла да прысутных аператыўную абстаноўку з пажарамі і гібеллю людзей ад іх, а таксама нагадала элементарныя правілы бяспекі - аб неабходнасці выкарыстоўваць толькі спраўную печ, з адпаведным па памерах перадтапочным лістом, з абтынкаваным і пабеленым комінам. Зайшла гаворка і аб апаратах абароны ў электралічыльніках - яны павінны быць сучаснымі, спраўнымі і завадскога вырабу.
Усім жыхарам была раздадзеная тэматычная наглядна-выяўленчая прадукцыя.