- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Навучанне дашкольнікаў
У ГУДО «Яслі-сад №23 г. Баранавічы» адбыўся семінар-практыкум па асновах бяспекі жыццядзейнасці. Важным складнікам мерапрыемства стала праца прадстаўнікоў гаррайаддзела па надзвычайных сітуацыях з дзецьмі.
Задача, якую ставілі перад сабой арганізатары мерапрыемства, заключалася ў тым, каб бліжэй пазнаёміць дзятву са спецыфікай працы выратавальніка-пажарнага, а таксама нагадаць выхаванцам у даступнай форме асноўныя правілы пажарнай бяспекі.
Работнік ГРАНС распавёў дзецям, чым займаюцца ратавальнікі, як у іх праходзяць працоўныя будні. Дашкалятам прадэманстравалі баявую вопратку выратавальніка-пажарнага, распавялі, чым яна ўкамплектаваная. Таксама ў рамках сустрэчы і ў мэтах прафілактыкі хлопчыкам і дзяўчынкам нагадалі асноўныя правілы пажарнай бяспекі, распавялі, што выклікаць ратавальнікаў можна па нумарах 101 або 112.
У ходзе мерапрыемства работнік гаррайаддзела зачытаў дзецям тэматычныя вершы, загадкі, правёў цікавыя конкурсы і гульню «Увага! Пажар».
Хлопцы падзякавалі госцю за візіт і паабяцалі заўсёды і ўсюды выконваць правілы пажарнай бяспекі.