- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Сумеснае вучэнне
Работнікі Брэсцкага гарадскога аддзела па надзвычайных сітуацыях сумесна з прадстаўнікамі таварыства выратавання на водах у раёне зоны адпачынку "Вяслярны канал" правялі тактыка-спецыяльнае вучэнне па выратаванні людзей, якія праваліліся пад лёд.
Мэтамі і задачамі вучэнняў былі, у прыватнасці, удасканаленне ўзаемадзеяння пры выкананні сумесных пошукава-выратавальных работ на акваторыі, адпрацоўка аказання медыцынскай дапамогі пацярпелым, прыёмаў працы з вадалазным абсталяваннем і рыштункам, спецыяльнымі агрэгатамі і плавальнымі сродкамі.
Па задуме вучэння, у раёне пляжу на адлегласці 50 метраў ад берага пад лёд праваліліся 4 чалавекі. Адзін з іх пайшоў пад ваду.
Спецыялісты вадалазна-выратавальнай станцыі сумесна з групамі выратавання на вадзе ПАВЧ №2 і №3 Брэсцкага ГАНС паспяхова справіліся з пастаўленымі задачамі. Усе чацвёра ўмоўна пацярпелых былі выратаваны і дастаўлены на бераг, дзе ім своечасова аказалі неабходную медыцынскую дапамогу.