- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Наведалі суседзі
Чарговы раз выратавальнікаў ПАВЧ №1 Івацэвіцкага райаддзела па НС наведалі суседзі – выхаванцы ДУА “Яслі-сад №6 г. Івацэвічы “Алеся”. Справа ў тым, што гэтая дзіцячай дашкольная ўстанова адукацыі размешчана праз вуліцу ад ПАВЧ, а таму хлопчыкі і дзяўчынкі сустракаюцца з выратавальнікамі ў разы часцей, чым выхаванцы іншых дзіцячых садоў.
Чарговая сустрэча, чкая праходзіла ў рамках рэспубліканскай акцыі “Канікулы без дыму і агню!”, аб’яднала ў сабе і пазнавальную экскурсію ў гараж, дзе месцяцца пажарныя аўтамабілі, і прафілактычную змястоўную гутарку разам з абучаючымі конкурсамі і гульнямі.
Выратавальнікі азнаёмілі рабят не толькі са сваімі баявымі аўтамабілямі, але і з пажарна-тэхнічным узбраеннем, якім машыны ўкамплектаваныя, дазволілі прымераць і каску, і крагі, а таксама вольна пасядзець у кабіне пажарных аўтамабіляў рознага прызначэння.
Падчас тэматычнай гутаркі хлопчыкам і дзяўчынкам напомнілі зноў аб небяспецы агню, вады і дарогі, аб мераг перасцярогі ў той альбо іншай надзвычайнай сітуацыі. Былі і гульні, па выніках якіх лепшыя гулёўцы атрымалі прызы. Гэткімі ж прызамі былі адзначаны і тыя, хто паспяхова спраўляўся з тэматычнымі загадкамі, іншымі заданнямі ад інспектара ГПіУГ РАНС Валерыя Молаша.
Добрым дадаткам да паказанага і расказанага былі і мультыплікацыйныя фільмы з серыялу “Чароўная кнга МНС”.