- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Без дыму і агню!
Днямі яшчэ адна група выхаванцаў старэйшай групы ДУА “Яслі-сад №7 г. Івацэвічы” завітала з экскурсіяй да выратавальнікаў у межах рэспубліканскай акцыі “Канікулы без дыму і агню!”.
Распачалася сустрэча хлопчыкаў і дзяўчынак з прафілактычнай гутаркі наконт выканання мераў перасцярогі паўсюдна, каб не здарылася бяда, якую правёў інспектар ГПіУГ Івацэвіцкага райаддзела па Нс Валерый Молаш. Былі абазначаныя і найбольш небяспечныя дзіцячыя гульні, якія прыдумляюць часам сабе малыя дзеці, калі застаюцца ў адзіноце.
Працягам гутаркі былі гульні, кшталту “Хто хутчэй?”, дзе малыя на хуткасць апраналіся ў каскі і курткі-“баёўкі”, памерам разлічаныя на дзяцей гадоў дзесяці. Далей паследавалі гульні “Збіраемся ў лес!” і “Збяры карцінку”. Усе актыўныя ўдзельнікі гульняў атрымалі прызы. Прызамі былі адзначаныя і тыя хлопчыкі і дзяўчынкі, хто паспяхова справіўся з процівапажарнымі загадкамі.
А потым рабяты прагледзелі некалькі серый вядомага і ўпадабанага дзецьмі мультсерыялу “Чароўная кніга МНС”, якія аказаліся добрым падмацаваннем пачутых раней патрабаванняў правілаў бяспечных паводзін.