- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Олимпиада по ОБЖ: на Малоритчине приняло участие 435 человек («Голас часу», Малорита, 22.03.2018 г.)
Важнай састаўной часткай сістэмы грамадскай бяспекі з’яўляецца навучанне вучняў асновам бяспечнай жыццядзейнасці. Цяпер ва ўстановах адукацыі гэта адбываецца праз засваенне факультатыўнага курса “Асновы бяспекі жыццядзейнасці». А магчымасць праверыць, наколькі трывалымі аказаліся набытыя веды, дае алімпіяда.
На Маларытчыне ў першым этапе абласной алімпіяды па АБЖ прыняло ўдзел 435 чалавек. Нядаўна прайшоў другі яе этап. Мацнейшыя вызначаліся ў 3 узроставых групах: 1-4 класы, 5-7 класы і 8-11 класы. Многія ўдзельнікі інтэлектуальнага спаборніцтва прадэмастравалі добрыя веды. Аднак пераможцамі сталі самыя падрыхтаваныя.
Ва ўзроставай 1-4 класы першае месца заняў Канстанцін Пархамук, вучань 4 класа Дарапеевіцкага д/с-СШ (настаўнік Ірына Яшчук), другое – Таццяна Пекарук, вучаніца Ланской СШ (настаўнік Валянціна Максімук). Ва ўзроставай катэгорыі 5-7 класы поспех спадарожнічаў Івану Сымоніку, вучню 7 класа Ланской СШ (настаўнік Віталь Касцючык). Другое месца па колькасці балаў заняў Мікіта Сезік, вучань 7 “А” класа раённай гімназіі (настаўнік Аляксандр Чурбанаў). Ва ўзроставай катэгорыі 8-11 класы лепшым стаў Антон Касцючык, вучань 9 класа Ланской СШ (настаўнік Віталь Касцючык). На другой прыступцы замацавалася Анастасія Галавей, вучаніца 9 “Б” класа СШ №2 (настаўнік Таццяна Русавук).
Мікалай НАВУМЧЫК.
Малоритская районная газета «Голас часу», 22.03.2018 г.
http://www.malorita.by/?p=25011